Teri Ik Nazar Ki Qeemat | Sufiana Kalam | Sufism | Lyrics | Sufi Lines

ذرا کرم جو کسی کی نگاہ ناز کرے
وہ مجھ کو ایسے دو عالم سے بے نیاز کرے

اسے ملا گا کم از کم ہزار حج کا سواب
ادا جو کوچہ جاناں میں ایک نماز کرے

یک نگاہ ناز جاناں قیمت ایمان ما

تیری اک نظر کی قیمت  میری زندگی نہیں ہے
تیرے اس کرم کا بدلہ میری  بندگی  نہیں  ہے

تیرے حسن کی پرستش  میرا مشربِ طریقت
یہ ہے دینِ پاک بازاں کوئی  کافری نہیں ہے
 
جو نہ جاں پہ کھیل جائے وہ نہ اس طرف کو آئے
کہ  دیارِ عاشقی میں راہِ  واپسی نہیں ہے
 
کوئی مست چشم ساقی کوئی ہے شہید غمزہ
ہر بادہ کش کی حالت یہاں ایک سی نہیں ہے

رہے عمر بھر بھٹکتے وہ نہ  ظلمتوں سے نکلے
تیرے آفتابِ رخ کی جہاں  روشنی نہیں ہے
 
ہے شرابِ عشق ساقی غمِ  دو جہاں کا درماں
اے علیم! اس  سے بہتر کوئی مے کشی نہیں ہے

میرے سر کی آبرو ہے تیرے در کی خاکپائی
تیری ایک نگاہ الفت میری عمر کی کمائی

میں جہاں کہی بھی جاوں رہوں گا غلام تیرا
میری لاج رکھنا یہ ہی بے نوا کی بے نوائی

تیرے سنگ آستاں کے نہ میری جبیں لائک
یہ تیرا کرم ہے پھر بھی تیرے در تک رسائی

میری خاک کو میسر نہ سکوں ہوا قبر میں
جو غبار بن کے جانا تیرے سنگ در پہ آئی

دیر و حرم کی خواہش میرے دل میں نہ رہی اب
تیرے آستاں کی جب سے مجھ کو ملی گدائی