Ki Jaana Main Koi Lyrics in Urdu Baba Bulleh Shah Kalam

کیہہ جاناں میں کوئی وے اڑیا کی جاناں میں کوئی

جو کوئی اندر بولے چالے ذات اساڈی سو ای

جس دے نال میں نیونہہ لگایا اوہو جہی ہوئی

کیہہ جاناں میں کوئی وے اڑیا کی جاناں میں کوئی

چٹی چادر لاء سٹ کڑیئے پا فقیری لوئی

چٹی چادر داغ لگے گا لوئی نوں داغ نہ کوئی

کیہہ جاناں میں کوئی وے اڑیا کی جاناں میں کوئی

الف پچھاتا ب پچھاتی ت تلاوت ہوئی

  پچھاتا شین پچھاتا صادق صابر ہوئی

کیہہ جاناں میں کوئی وے اڑیا کی جاناں میں کوئی

ذکُو کُو کردی قُمری آئی گل وچ طوق پیو ای

بس نہ کردی کو کو کولوں کو کو اندر موئی

کیہہ جاناں میں کوئی وے اڑیا کی جاناں میں کوئی

جو کج کرسی اللہ بھاتا کیا کج کرسی کوئی

جو لج لیکھ متھے دا لکھیا اس تے شاکر ہوئی

کیہہ جاناں میں کوئی وے اڑیا کی جاناں میں کوئی

عاشق بکری  مشعوق قصائی

میں میں کردی کوہی

جیویں جیویں میں میں کردی تیوں تیوں موئی موئی

کیہہ جاناں میں کوئی وے اڑیا کی جاناں میں کوئی

بلھیا شوہ عنایت کر کے شوق شراباں دتا

بھلا ہویا اسیں دوروں نہڑے آن لدھو ای

کیہہ جاناں میں کوئی وے اڑیا کی جاناں میں کوئی

________________________________