Dard Udasi Punjabi Kalam Azam chishti | new sufi kalam short | Sami Kanw...

Dard Udasi Punjabi Kalam Azam chishti | new sufi kalam short

مُڑ مُڑ کے بُوہے ول دوڑے
کِتے سوہنا مُڑ گھر آوے

بخش دیوے تقصیر مری نوں
کِتے جھات کرم دی پاوے

ترس پوے کِتے جے من اوہدے
مرے دل دی اگ بُھجاوے

اعظم لکھ نیازاں ونڈاں
جے ماہی لے گل لاوے

سارے جگ دی بے آرامی
اتے بے خوابی تنہائی

درد اُداسی نہ اُمیدی
اتے بدنامی رُسوائی

چپ چپ رہنا وکھریاں بہنا
ترے عشق ایہہ ریت سکھائی

اعظم عمر دا رونا دے گئی
تری دو دن دی آشنائی

اٙونا نئیں تے ایناں دس دے
توں رُسیائیں کہڑی گلے

کیوں توں آونا جانا چھڈیا
غم پا کے ساڈے پلے

لِکھ لِکھ چٹھیاں عاجز ہوئے
اساں لکھ سنیہے گھلے

اعظم لوک مناون عیداں
اسیں رہ گئے کل مکلے