ishq kitaba vich nahi labda | new sufi kalam | sufiana kalam | Sami Kanw...

ishq kitaba vich nahi labda | new sufi kalam | sufiana kalam

عشق کتاباں وچ نیں لبھدا
نہ ایہہ دولت ہر ہتھ آئی

نہ ایہہ شمع ہر دل وچ
نہ ہر گھر وچ رُشنائی

ایہہ شراب نہ ہر میخانے
نہ ہر بندہ سودائی

اعظم اوہ کوئی ورلا ورلا
جنہوں صورت یار دکھائی

آگیا سدّا سجناں ولّوں
اسیں نال خوشی ٹر چلے

یار اساڈا رہ پیا ویکھے
ساڈی قسمت بلے بلے

آگئی رات وصال دی نیڑے
ساڈے کیڈے بخت سولّے

اعظم یاراں نوں کیہہ ہوئیا
ایہہ روون کہیڑی گلے

نہ منگاں میں مال خزانے
نہ میں تخت حکومت منگاں

نہ منگاں شُہرت وڈیائی
نہ شان تے شوکت منگاں

نہ منگاں میں تاج نہ شاہی
نہ عزت حشمت منگاں

اعظم میں تے عشق دا بندہ
میں تے عشق سلامت منگاں