jaun elia Poetry - Ek Hunar Hai Jo Kar Gaya Hoon Main

jaun elia | Ek Hunar Hai Jo Kar Gaya Hoon Main | Best Urdu Poetry

اک ہنر ہے جو کر گیا ہوں میں
سب کے دل سے اتر گیا ہوں میں

کیسے اپنی ہنسی کو ضبط کروں
سن رہا ہوں کہ گھر گیا ہوں میں

کیا بتاؤں کہ مر نہیں پاتا
جیتے جی جب سے مر گیا ہوں میں

اب ہے بس اپنا سامنا در پیش
ہر کسی سے گزر گیا ہوں میں

وہی ناز و ادا وہی غمزے
سر بہ سر آپ پر گیا ہوں میں

عجب الزام ہوں زمانے کا
کہ یہاں سب کے سر گیا ہوں میں

کبھی خود تک پہنچ نہیں پایا
جب کہ واں عمر بھر گیا ہوں میں

تم سے جاناں ملا ہوں جس دن سے
بے طرح خود سے ڈر گیا ہوں میں

کوئے جاناں میں سوگ برپا ہے
کہ اچانک سدھر گیا ہوں میں

جون ایلیا


 Ek Hunar Hai Jo Kar Gaya Hun Main,
Sabke Dill Se Utar Gaya Hun Main.

Kaisy Apni Hansii Ko Zabttt Karun,
Sun Raha Hun Kay Ghirr Gaya Hun Main.

Kya Batayun Kay Marr Nahin Pata,
Jeet-e-Jee Jab Se Marr Gaya Hun Main.

Ab Hai Bs Apna Saamna Dar-Paish,
Har Kisi Se Guzar Gaya Hun Main.

Wohiii Naaz-O-Adaa Wohii Ghamze,
Sar-ba-Sar Aaap Per Gaya Hun Main.

Ajabb Ilzaam Hun Zamaane Ka,
Kay Yaha Sabke Sar Gaya Hun MAin.

Kabhii Khud Takk Pohanch Nahii Payaa,
Jabb Kay Wahaan Umarr Bharrr Gaya Hun Main.

Tum Se Janaa'n Milaa Hun Jiss Dinn Se,
Be-Tarhaa Khudse Darr Gaya Hun Main.

Koo-e-Janaa'n Main Sogg Barpaa Hai,
Kay Achanakk Sudharr Gaya Hun MAin.

Jaun Elia