Jad Vekhan Yaar Nu Lyrics | Kalam Azam Chishti

 Kalam Azam Chishti

Jad Vekhan Yaar Nu Lyrics In Urdu

ویکھن نوں سب اکھیاں والے 

پراوہ ہتھ نہ آون اکھیاں 

جہڑیاں وچ اُڈیک ماہی دی

نت مینہ برساون آکھیاں 

جد ویکھن یار نوں ویکھن 

اہ کتھے جھات نہ پاون اکھیاں 

اعظم ویکھ دُکان اجہیی 

جتھوں اوہ مل جاون اکھیاں 

جے لگ جان آکھیاں نال آکھیاں 

کدی فیر نہ آون اکھیاں 

لگنھ جاون لاہوتوں اگے 

بڑی دور پچاون اکھیاں 

ٹھنڈیاں کردیون دوزخ نوں 

جے نیر وگاون آکھیاں 

اعظم اوہو اکھیاں والے 

جہڑے رب نال لاون اکھیاں 

بے پرواہاں  تے محبوباں دے 

سارے ناز اُٹھاون اکھیاں 

دل تے بھار پورے جس ویلے

اودوں بھار ونڈاون آکھیاں 

جدوں کسے دا یار نہ منے 

اودوں یار مناون آکھیاں 

اعظم دل جدوں دید نوں ترسے

اودوں دید کراون آکھیاں

جتھے ویکھن حسن دا جلوہ 

کئی جال وچھاون اکھیاں 

پلکاں دی سیج سجاون 

کدی وچھریاں جاون اکھیاں 

جے پھس جاوے حُسن دا پنچھی 

تے نہ اکھ جھمکاون آکھیاں 

اعظم جتھے پیش نہ جاوے 

اوتھے مفت وکاون آکھیاں

آپے لاون آپے روون 

آپے مڑ پچھتاون اکھیاں 

آپنے آپ نوں آپ پھساون 

آپے جان چھڑاون اکھیاں 

آپے آپ خریدن جنت 

آپے دوزخ جاون اکھیاں 

اعظم اپنیاں بے پرواہیاں 

متھے دل دے لاون اکھیاں

Jad Vekhan Yaar Nu Lyrics In Roman Urdu

vekhan nu sab ankhiyaan walay

par oh hth nah aon ankhiyaan

jairiyan vich udeek mahi di

nnat meen barsaon akhiyan

jadd vekhan yaar nu vekhan

ah kitthay Jhat nah pawn ankhiyaan

Azam vekh dُkan ajahi

jithon oh mil jawn ankhiyaan

jay lag jaan akhiyan naal akhiyan

kudi fair nah aon ankhiyaan

lang jawn lahoto uge

barri daur pachawan ankhiyaan

thandiyan kar dewan dozakh nu

jay nyare vgavan akhiyan

Azam oho ankhiyaan walay

jaray rab naal lawan ankhiyaan

be parwaha te mahboba day

saaray naz athawan ankhiyaan

dil te bhar poooray jis wele

odon bhar vandavan akhiyan

jaddon kisay da yaar nah Munnay

odon yaar manavan akhiyan

Azam dil jaddon deed nu tarse

odon deed karawan akhiyan

jithey vekhan husn da jalva

kayi jaal vchawan ankhiyaan

palka di sej sajavan

kudi vichriya jawn ankhiyaan

jay phus jaave husn da panchhi

te nah akh jhamkawan akhiyan

Azam jithey paish nah jaave

otay muft vkawan akhiyan

aapay lavan aapay rovan

aapay murr pachtawan ankhiyaan

aapnee aap nu aap phasawan

aapay jaan churawan ankhiyaan

aapay aap kharedan jannat

aapay dozakh jawn ankhiyaan

Azam apnyan be parvaiya

matthe dil day lawan ankhiyaan