Ek Nukte Wich Gal Mukdi ay Lyrics | Baba Bulleh Shah Poetry Lyrics

Ek Nukte Wich Gal Mukdi Ay | Baba Bulleh

 Shah Poetry 

Ek Nukte Wich Gal Mukdi Ay Lyrics In Urdu

ِک نقطے وچ گل مکدی اے

پَھڑ نُقطہ چھوڑ حساباں نوں

کر دور کفر دیاں باباں نوں

چھڈ دوزخ گور عزاباں نوں

کر صاف دلے دیاں خواباں نوں

گل ایسے گھر وچ ڈُھکدی اے

اِک نقطے وچ گل مکدی اے

اینیوں متھا زمین گھسائی دا

لما پا محراب دکھائی دا

پڑھ کلمہ لوک ہسائی دا

دل اندر سمجھ نہ لائی دا

کدی بات سچی بھی لُکدی اے

اِک نقطے وچ گل مکدی اے

کئی حاجی بن بن آئے جی

گل نیلے جامے پائے جی

حج ویچ ٹکے لے کھاۓ جی

بَھلا ایہ گل کینہوں بھاۓ جی

کدی سچی گل بھی لکدی اے

اِک نقطے وچ گل مکدی اے

اک جنگل بحریں جاندے نیں

اک دانا روز لے کھاندے نیں

بے سمجھ وجود تھکاندے نیں

گھر آون ہو کے ماندے نیں

اینیوں چلیاں وِچ جِند سُکدی اے

اِک نقطے وچ گل مکدی اے

پَھڑ مُرشد عبد خُدائی ہو

وِچ مستی بے پروائی ہو

بے خواہش بے نوائی ہو

وِچ دل دے خوب صفائی ہو

بُلھا بات سچی کدوں رکدی اے

اِک نقطے وِچ گل مکدی اے

Ek Nukte Wich Gal Mukdi Ay Lyrics In Roman Urdu

Ek nukte vich gal mukdi ae 

Phadd nukta, chodd hisaabaan nu

kar door kufar diyaan baabaan nu

Laah dozakh gor azaabaan nu 

kar saaf dile diyaan khavaabaan nu

Gal aise ghar vich dhukkdi eh 

Ek nukte vich gal mukdi ae

Aiven mattha zameen ghasaida 

lamma pa mahiraab dikhaida

Padh kalma lok hasaida 

dil andar samajh na liaaida

Kadi baat sacchi vi lukdi eh 

ik nukte vich gal mukdi eh

Kaee haaji ban ban aaye ji

gal neele jaame paaye ji

Haj baich takey le khaaye ji

bhala eh gal kinnu bhaaye ji

Kadey baat sacchi vi lukdi eh

ik nukte vich gal mukdi eh

Ik jangal bahireen jaande ni

ik daana roz le khaande ni

Besamajh vajood thakkaande ni 

ghar aavan ho ke maande ni

Aiven chilliyaan vich jind sukhdi eh

ik nukte vich gal mukdi eh

Phadd murshad aabad khudai ho 

vich masti beparvaahi ho

Be khaahash be navaai ho 

vich dil de khoob safai ho

Bulla baat sacchi kadon rukdi eh 

ik nukte vich gal mukdi eh