Baba Bulleh Shah Poetry Lyrics | Bulleh Shah Shayari Lyrics

Baba Bulleh Shah Poetry Best Punjabi Bulleh Shah 

ہر کوئی یار نہیں ہوندا بُلھیا

کدی کلّیاں بہ کہ سوچ تے سہی

میں آدم ذات میرے کئ نے روپ 

میں سوچ دا ولی میں دل دا کافر

مر گئے لوگ سیانے بلھیا

سانوں متاں ہن کون دیوے

درد جیڑے نے عشق والے

سانوں ہن دوا کون دیوے 

حق آکھیا اے بلھے شاہ ہناں

دنیا ٹولا اے دغے بازاں دا

رب سوہنے تے جی کر یقین ہووے

چڑیاں کرن شکار پیاں بازاں دا

بھار چک نہیں سکدا محبت دا

پتر پلیا ہووے جیڑا نازاں دا

ﻧﯿﻨﺪ ﻧﮧ ﻭﯾﮑﮭﮯ ﺑﺴﺘﺮﺍ

ﺗﮯ ﺑﮭﮏ ﻧﮧ ﻭﯾﮑﮭﮯ ﻣﺎﺱ

ﻣﻮﺕ ﻧﮧ ﻭﯾﮑﮭﮯ ﻋﻤﺮﻧﻮﮞ

ﻋﺸﻖ ﻧﮧ ﻭﯾﮑﮭﮯ ﺫﺍﺕ

غصّے وچ نہ آیا کر ٹھنڈا کر کے کھایا کر

دن تیرے وی پھر جان گے  اینویں نہ گھبرایا کر

ڈھڈ دا بالن لے کے توں  دن ڈبے گھر جایا کر

پیاردے ایسے بوٹے لا سارے جگ تے سایا کر

اپنے اندروں جھوٹ مکا  سچ دا ڈھول وجایا کر

رکھی سکھی کھا کے توں سجدے وچ ٹر جایا کر

من اندر توں جھاڑو دے  اندر باہر صفایا کر

نا کر جھولی لوکاں اگے رب اگے کر لایا کر

کوی رنگ کالا کوئی رنگ پیلا

کوئی لال غلابی اوہ کردا

بلھے شاہ رنگ مرشد والا

کسے کسے نوں چڑدا

جھلیاعشق کمانا اوکھا

کسے نوں یار بنانا اوکھا

پیار پیار تے ہر کوکئی کُوکے

کر کے پیار نبھانا اوکھا

ہر کوئی دُکھاں تے ہس لیندا

کسے دا درد وندانا اوکھا

گلاں نال نئیں رُتبے ملدے

جوگی بھیس وٹانا اوکھا

کوئی کسے دی گل نئیں سُندا

لوکاں نوں سمجھانا اوکھ

ہیرے سستے مُل دے ویکھے

لعل تکڑی وچ تُلدے ویکھے

پُھل پیراں وچ رُلدے ویکھے

سیانے گلاں  پُلدے ویکھے

کوئی کسی نال پیار نئیں کردا

دل دُنیا وچ رُلدے  ویکھے

رنگ برنگی دُنیا ویکھی

کئی کئی رنگ اک پُھل دے ویکھے

سُکھ تے ازل توں ویری میرے

دُکھ ای اکھیاں کھلدے ویکھے

بس کر دِلا، چھڈ دے کھیڑا

چھڈ دے رام کہانی تُوں

تُو رُل گیا تے تاں کی ہوئیا

شاہ وی گلیاں چ رُلدے ویکھے