Keh Gai Kaan Mein Aa Kar | Jigar Moradabadi & Mohsin Naqvi Poetry
کہہ گئی کان میں آ کر تیرے دامن کی ہوا
صاحبِ ہوش وہی ہے کہ جسے ہوش نہیں
صحرا میں بھی خوشبوئے صبا مانگ رہا ہے
دیوانہ بڑے شوق سے کیا مانگ رہا ہے؟
یارو! دلِ وحشی کو سنبھالو کہ سرِ بزم
وہ دشمنِ جاں، نذرِ وفا مانگ رہا ہے
جاگی ہوئی مخلوق سے سورج کی عناں گیر
سویا ہوا انسان دعا مانگ رہا ہے
آ دیکھ میرے ذہن کی آوارہ مزاجی!
ظالم تیرے آنچل کی ہوا مانگ رہا ہے
مہتاب کی کرنوں سے سلگتا ہوا چہرہ
خوابوں میں بھی اندازِِ حیا مانگ رہا ہے
انصاف کی زنجیر کو چھیڑو نہ ابھی سے
دیوانہ ابھی اذنِ صدا مانگ رہا ہے
محسنؔ میرا وجدان بنامِ کفِ دلدار
ہر زخم سے کچھ رنگِ حنا مانگ رہا ہے
Posts
0 Comments