Kalam Mian Muhammad Bakhsh Punjabi Lyrics - Saif ul malook

Kalam Mian Muhammad Bakhsh Punjabi Lyrics |  Saif ul Malook Poetry

پاسے پاسے عمر گزاری ، پاس نہ سدیا یاراں
ساتھی کون محمّدؔ بخشا آتے دَرد ونڈے غمخواراں

تک دیدار بہار حُسن دی یار پیارے والی
دُکھ گئےنے سُکھ حاصل ہوئے کرم کمایا والی

گل میری ہتھ تیرے سجنا! اُچاّ ساہ نہ بھرناں
جو کجھ چاہیں سویو چنگا جو آکھیں سو کرناں

درد فراق تیرے دا مینوں تاپ رہے نِت چڑھیا
اوہو درد دوا اساڈا ہور نہیں کوئی اڑیا

لاش میری تے آ ویں سجنا کریں جنازہ میرا
اس ویلے میں تکدہ ہو سی نوری چہرہ تیرا

جو رب کرسی اوہ ہوسی ہور نہیں کج ہونا
کیتاکرم کریم تیرے تے مُکّیا پِٹنا رونا

دنیا اتے کون امن وچ ہر کوئی دکھیارا
بے وفا سنسار محمدؒ  ٹھگ بازاری بھارا

مرد ملے تے درد گنواوے اوگن دے گُن کردا
کامل مرد محمد بخشا لعل بناون پتھر دا

اُچّانام رکھایا جس نے چُلھے دے وِچ سڑیا
نِیواں ہو کے لنگھ محمدؒ سڑجائیں گا  اَڑیا

آپ مکانوں خالی اُس تھیں کوئی مکان نہ خالی
 ہر ویلے ہر چیز محمدؒ رکھدا نِت سنھبالی

بس اساڈا وَس نہیں چَلدا کی او تُساڈا کھونا
لِسّے دا کیہہ زور محمدؒ نس جانا یا رونا

جے لکھ زہد عبادت کریئے بن عشقوں کس کاری
جاں جاں عشقَ نہ ساڑے تن نوں تاں تاں نبھے نہ یاری

اکو تری  آس خدایا ہور نہی کجھ سجھدا
جس دیوے نو آپ توں بالیں کد کیسے توں بجھدا

 بلھے شاہ دی کفی سُن کے ٹٹدا کفر اندر دا
وحدت دے دریا دے اندر اوہ وی نال اے تردا 

#KalamMianMuhammadBakhshPunjabiLyrics

#MianMuhammadBakhshPunjabiLyrics

#MianMuhammadBakhshPunjabi

#KalamMianMuhammadBakhshPunjabi

#KalamMianMuhammadBakhshLyrics