Kalam Baba Bulleh Shah & Sultan Baho | Kalam-e-baho | New Sufi Kalam | S...

Kalam Baba Bulleh Shah & Sultan Baho | Kalam-e-baho | New Sufi Kalam

نفل نمازاں کٙم زنانہ روزے صرفہ
روٹی ہو

مکّے دے ول سوئی جاندے گھروں جنہاں تروٹی ہو

اُچیاں بانگاں سوئی دیون
 نیت جنہاں دی کھوٹی ہو

کیہ پرواہ تنہاں نوں باہو
جنہاں گھر وچہ لدھی بوٹی ہو

پڑھ پڑھ نفل نماز گزاریں
اُچیاں بانگاں چانگاں ماریں

منبر تے چڑھ وعظ پکاریں
کیتا   تینوں   علم خوار

نہ کوئی طالب نہ کوئی مرشد
سب دلاسے مُٹّھے ہو

راہ فقر دا پرے پریرے
 حرص دنیا دی کُٹھے ہو

شوق الہی غالب ہویا
جِند جیون توں رُٹھے ہو

جٙیں تن بھڑکے بھاہ بِرہوں دی مرن ترہائے بُھکھے ہو

کدی آوے کدی آوے ناہیں
تِیوں تِیوں مینوں بھڑکن بھاہیں

نام االله پیغام سُنائیں
مُکھ ویکھن نوں نہ ترسائیں

نِت اٙساڈے کٙھلّے کھاندی
 ایہا دنیا زِشتی ہو

جٙیں دے کارن بٙہ بٙہ رووٙن
شیخ مشائخ چشتی ہو

جنہاں اندر حُب دنیا دی
 غرق نُہاں دی کشتی ہو

ترک دنیا دی کر توں باہو خاصہ راہ بہشتی ہو