Kalam Baba Bulleh Shah | Wah Wah Ramz Sajan Di

Wah Wah Ramz Sajan Di Hor Lyrics

واہ وا رمز سجن دی ہور
عاشق بناں نہ سمجے کور

کوٹھے تے چڑھ دیاں ہوکا
عسق وِہا جو کوئی نہ لوکا

اس کا مول نہ کھانا دھوکا
جنگل بستی ملے نہ ٹھور

واہ وا رمز سجن دی ہور

دے دیدار ہویا جد راہی
اچن چیت پئی گل پھاہی

ڈاہڈی کیتی بے پرواہی
مینوں مل گیا ٹھگ لاہور

واہ وا رمز سجن دی ہور

شیریں ہے برہوں دا کھانا
کوہ چوئی فرہاد نمانا


یوسفؑ مصر بازار دکانا
اس نوں ویکھن ناہیں کور

واہ وا رمز سجن دی ہور

لیلاں مجنوں دونوں بردے
سوہنی دبی وچہ ہجر دے

ہیر ونجائے سبھے گھر دے
اس دی کھچی ماہی ڈور

واہ وا رمز سجن دی ہور

عاشق پھردے چپ چپاتے
جیسے مست سدا مدھ ماتے

دام زلف دے اندر پھاتھے
اوتھے دس نہ حیلے ہور

واہ وا رمز سجن دی ہور
عاشق بناں نہ سمجھے کور

جے او آن ملے دل جانی
اس توں جان کراں قربانی

صورت دے وچہ یوسفؑ ثانی
عالم دے وچہ جس دا شور

واہ وا رمز سجن دی ہور

بلھاشوہ نوں کوئی نہ ویکھے جو دیکھے سو کسے نہ لیکھے

اس دا رنگ نہ روپ نہ ریکھے
اوہ ہی ہووے ہوکے چور

#bababullehshah #bababullehshahpoetry #bababullehshahshayari #bullehshahkalam #bababullehshahkalam #bullehshah #bullehshahpoetry