Kalam Baba Bulleh Shah Punjabi | Ik Alif Parho | Punjabi Short Kalam

Kalam Baba Bulleh Shah Punjabi | Ik Alif Parho

اک الف پڑھو چھٹکارا ہے

اک الفوں دو تن چار ہوئے
پھر لکّھ کروڑ ہزار ہوئے
پھر اوتھوں باہجھ شمار ہوئے
ہِک الف دا نُکتہ نیارا اے
اک الف پڑھو چھٹکارا اے

کیوں پڑھنائیں گَڈ کتاباں دی
سر چانائیں پنڈ عذاباں دی
کیوں ہویاں شکل جلاداں دی
اگے پینڈا مشکل بھارا ہے
اک الف پڑھو چھٹکارا ہے

بِن حافظ حفظ قرآن کریں
پڑھ پڑھ کے صاف زبان کریں
پر نعمت وچ دھیان کریں
من پھِردا جیوں ہلکارا ہے
اک الف پڑھو چھٹکارا ہے

بُلھا بی بوڑھ دا بویا سی
اوہ برچھ وڈا جا ہویا سی
جد برچھ اوہ فانی ہویا سی
پھر رہ گیا بی اکارا ہے
اک الف پڑھو چھٹکارا ہے

(بلھے شاہ)​