Kalam Bulleh Shah | Ek Nukte Wich Gal | Punjabi Sufiana

Kalam Bulleh Shah | Ek Nukte Wich Gal Kalam | Punjabi Sufiana

مُک گیاں گل مکدی ناہیں
جحچر دلوں نہ امکائیے

گنگا گیاں گل مُکدی ناہیں
بھانویں سو سو غوطے کھائیے

گیا گیاں گل مُکدی ناہیں بھانویں
بھانویں کتنے پنڈ پھر آیئے

بلھے شاہ گل مُکدی تاہیں جد
 میں نوں کھڑیاں لوٹائیے

اک نکتے وچ گل مُکدی اے

پھڑ نکتہ چھوڑ حساباں نوں
کر دور کفر دیاں باباں نوں
لا دوزخ گور عذاباں نوں
کر صاف دلے دیاں خواباں نوں


گل ایسے گھر وچہ ڈھکدی اے
اک نکتے وچ گل مُکدی اے

اینویں متھا زمیں گھسائی دا
لما پا محراب وکھائی دا
پڑھ کلمہ لوک ہسائی دا
دل اندر سمجھ نہ لیائی دا

کدی بات سچی بھی لکدی اے
اک نکتے وچ گل مُکدی اے

کئی حاجی بن بن آئے جی
گل نیلے جامے پائے جی
حج ویچ  ٹککٹ لے کھائے جی
بھلا ایہہ گل کیویں بھائے

کوئی بات سچی بھی لکدی اے
اک نکتے وچ گل مُکدی اے

اک جنگل بحریں جاندے نی
اک دانہ روزی کھاندے نی
بے سمجھ وجود تھکاندے نی
گھر آون ہوکے ماندے نی

اینویں چلیاں وچہ جند سکدی اے
اک نکتے وچ گل مُکدی اے

پھر مُرشد عبد خدائی ہو
وچہ مستی بے پروائی ہو
بے خواہش بے نوائی ہو
وچہ دل دے خوب صفائی ہو

بلھا بات سچی کدوں رکدی اے
اک نکتے وچ گل مُکدی اے