Lakhiya Sohna Yaar | Bulleh Shah Kalam

ہن میں لکھیا سوہنا یار
جس دے حُسن دا گرم بازار

جد احد اک اکلا سی
نہ ظاہر کوئی تجلٰی سی

نہ رب رسولﷺ نہ اللہ سی
نہ جبار نہ قہار

ہن میں لکھیا سوہںنا یار

بے چوں بے چگو نہ سی
بے شبہ بے نمونہ سی
نہ رنگ نہ نمونہ سی
ہن گونا گون ہزار

ہن میں لکھیا سوہنا یار

پیار پہن پوشاکاں آیا
آدم آپنا نام دھرایا
احد تے بن احمدؐ آیا
نبیاں دا سردار

ہن میں لکھیا سوہنا یار

کُن کہا فیکون کہایا
بے چونی سے چون بنایا
احد دے وچہ میم رلایا
تاں کیتا ایڈ پسارا

ہن میں لکھیا سوہنا یار

تجوں مسیت تجوں بت خانہ
برتی رہاں نہ روزہ جاناں
بھل گیا وضو نماز دوگانہ
تیں پر جاں کراں بلہار

ہن میں لکھیا سوہنا یار

پیر پیغمبر اس دے بردے
انس ملائک سجدے کردے
سر قدماں دے اُتے دھردے
سب سے وڈی اوہ سرکار

ہن  میں لکھیا سوہنا یار

جو کوئی اس نوں لکھیا چاہے
باہجھ وسلے لکھیا نہ جائے
شاہ عنایت بھیت بتائے
تاں کھلے سب اسرار


ہن میں لکھیا سوہنا یار