Bhully Shah Kalam: Lagi Rahy Lagi Ho | bulleh shah shayari

لاگی رے لاگی ہوں بل جاوٴں
اس لاگی نوں کون بجھاوے

الف اللہ جس دلبر ہووے
منہ زردی لہو اکھیاں رودے
جس اپنے توں ہتھ دھووے
جس نوں برہوں اگ لگاوے

ب بالن میں تیرا ہوئی
عشق نظارے آن وگوئی
روندے نین نہ لیون ڈھوئی
لون پٹھاں کے کیونکر پاوے


ت تدھ سنگ پریت لگائی
جامے دی میں دینی ہاں سائی
میں بکری تدھ کولوں قصائی
کٹ ٹک اس نوں کیوں نہ کھاوے


ث ثابت نہیوں لاکے جینوں
دوجا کوک سناوے کینوں
خفتیاں دی طرح آنسو بہندے نینوں
کونجا وانگ پئی کرلاوے


ج جہانوں ہوئی نیاری
نال  سروں دے بنے پساری
لگائیوں تاں ہویا بیکاری
دوجا دے مہنے جگ تاوے

ح حیرت وچہ شانتی ناہیں
اک ظاہر اک مارن ڈھائیں
اک جات پاون نوں لاون واہیں
کہہ بلھا شوہ کدھر پاوے