bulleh shah shayari | bulleh shah poetry | Baba bulleh

ہن کی تھیں آپ چھپائی دا
ہن کی تھیں آپ چھپائی دا

کتے ملاں ہو بلیندے ہو
کتے سنت فرض دسیندے ہو
کتے رام دوہائی دیندے ہو
کتے ماتھے تلک لگائی دا

میں میری ہاں کہ تیری ہے
پر انت بھسم کی ڈھیری ہے
ڈھیری توں ہن کیری ہے
ڈھیری توں ناچ نچائی دا

کتے بیسر چوڑا پاو گے
کتے جوڑا شان ہنداو گے
کتے آدم حوا بن آو گے
کدی تیتھوں بھی بھل جائی دا


باہر ظاہر ڈیرا پائیو
آپے ڈھوں ڈھوں ڈھول بجائیو
جگ تے اپنا آپ لکھائیو
پھر عبداللہ دے گھر دھائی دا


جو یاد تساڈی کردا ہے
اوہ مویاں توں اگوں مردا ہے
اوہ مویاں بھی تیتھوں ڈردا اے
مت مویاں نوں مار کٹائی دا

منصورتساں تے آیا ہے
تسیں سولی پکڑ دوایا ہے
میرا بیر نہ بابل جایا ہے
تُسیں خون دیومیرے بھائی دا

بلھا شوہ ہن صحیح سنجھاتے ہو
ہر صورت نال پچھاتے ہو
کتے آندے ہوکتے جاندے ہو
ہن میتھوں بھل نہ جائی دا