Kalam Hazrat Sultan Bahu 2021| Kaalam E Bahu | Best Punjabi Poetry | Sam...

Kalam Hazrat Sultan Bahu 2021| Kaalam E Bahu | Best Punjabi Poetry

عاشق غرق ہوئے وچ وحدت
دیکھ تنہاں دے مُجرے ھُو

اندر ھُو تے باہر ھُو
وت باھُو کِتھ لبھیندا ھُو

ھُو دا داغ محبت والا
ہر دم پیا سڑیندا هُو

جِتھے ھُو کرے رُشنائی
چھوڑ اندھیرا ویندا ھُو

دوہیں جہان غلام باھُو
جو ھُو صحی کریندا ھُو

اندر وچ نماز اساڈی
ہکسے جا نتیوے ھُو

نال قیام رُکوع سُجودے
کر تکرار پڑھیوے ھُو

ایہ دل ہجر فراقوں سڑدا
ایہ دم مرے نہ جیوے ھُو

سچّا راہ محمؐد والا
جس وچہ رب لبھیوے ھُو

اکھیں سُرخ تے مُونہیں زردی
ہر ولّوں دل آہیں ھُو

مُہا مُہاڑ خوشبوئی والا
پونہتا ونج کداہیں ھُو

نام فقیر تنہاں دا باھُو
جِن لامکانی جانیں ھُو