Sultan Bahu Kalam Punjabi 2022 - Kalam e bahoo

Sultan Bahu Kalam in Punjabi 2021 | Hit Punjabi Sufiana Kalam 2021

عشق محبت دریا دے وچہ
تھی مردانہ ترئیے ھُو

جِتّھے پون غضب دیاں لہراں
قدم اُتھائیں دھرئیے ھُو

اوجھڑ جھنگ بلائیں بیلے
ویکھ ویکھ نہ ڈرئیے ھُو

فقیر تداہیں تھیندا باھو
جد وچہ طلب دے مرئیے ھُو

اللہ ہو

جد میں سبق عشق دا پڑھیا
دریا ویکھ وحدت دا وڑیا

گھمن گھیراں دے وچہ اڑیا
شاہ عنایت لایا پار

میڈا عشق وی توں
 میڈا یار وی توں

میڈا دین وی توں
ایمان وی توں

میڈا جسم وی توں
میڈا روح وی توں

میڈا قلب وی توں
جند جان وی توں

میڈا قبلہ کعبہ مسجد مندر
 دیر دوارہ

میڈا مصحف تے قرآن وی توں
 
میڈا دهرم وی توں میڈا بهرم وی توں

میڈا شرم وی توں
میڈا شان وی توں

عشق اسانوں لسیاں جاتا
لتھا مل مُہاڑی ھُو

نہ سووے نہ سوون دیوے
جیویں بال رِہاڑی ھُو

عقل فکر دیاں بھل گیاں گلاں
جد عشق وجائی تاڑی ھُو

عشق جنہاندے ہڈیں رچیا
رہن اوہ چپ چپاتے ھُو

لُوں لُوں وچہ لکھ زباناں
اوہ پھردے گنگے باتے ھُو

کردے وضو اسم اعظم دا جہیڑے
دریا وحدت نہاتے ھُو

تدوں قبول نمازاں ہوئی
جد یاراں یار پُچھاتے ھُو