Kalam E Bahu | Hazrat Sultan Bahoo | کلام حضرت سلطان

Kalam E Bahu | Hazrat Sultan Bahoo |کلام حضرت سلطان |Best Punjabi Kalam

میں کوجھی میرا دلبر سوہنا
کیونکر اس نوں بھاواں هو

ویہڑے ساڈے وڑدا ناہیں
لکھ وسیلے پاواں ھو

نہ سوہنی نہ دولت پلے
کیونکر یار مناواں ھو

دکھ ہمیش ایہہ رہسی باہو
روندی ہی مر جاواں ھو

مزہباں دے دروازے اچے
راہ رباناں موری ھو

پنذت تے ملوانے کولوں
چھپ چھپ لنگھیے چوری ھو

اڈیاں مارن کرن بکھیڑے
دردمنداں دے کھوری ھو

باھو چل اتھائیں وسیے
جتھ دعویٰ نہ کس ہوری ھو

میں شہباز کراں پروازاں
وچہ دریا کرم دے ھو

زباں تاں میری کن برابر
موڑاں کم قلم دے ھو

افلاطون ارسطو ورگے
میں اگے کس کم دے ھو

حاتم ورگے لکھ کروڑاں
در باھو تے منگدے ھو