peer naseer ud din naseer golra sharif poetry | Best Urdu Poetry

Wafa Ho Kar Jafa Ho Kar Haya Ho Kar Ada Ho Kar Lyrics

Wafa Ho Kar Jafa Ho Kar Haya Ho Kar Ada Ho Kar lyrics in urdu

وفا ہو کر، جفا ہو کر، حیا ہو کر، ادا ہو کر
سمائے وہ میرے دل میں نہیں معلوم کیا ہو کر

میرا کہنا یہی ہے تو نہ رُخصت ہو خفا ہو کر
اب آگے تیری مرضی، جو بھی تیرا مُدعا ہو، کر

نہ وہ محفل، نہ وہ ساقی، نہ وہ ساگر، نہ وہ بادہ
ہماری زندگی اب رہ گئی ہے بے مزہ ہو کر

معاذاللّه! یہ عالم بتوں کی خود نمائی کا
کہ جیسے چھا ہی جائیں گے خدائی پر، خدا ہو کر

بہر صورت وہ دل والوں سے دل کو چھین لیتے ہیں
مچل کر، مسکرا کر، روٹھ کر، تن کر، خفا ہو کر

نہ چھوڑو ساتھ میرا ہجر کی شب ڈوبتے تارو
نہ پھیرو مجھ سے یوں آنکھیں، مرے غم آشنا ہو کر

اِنھیں پھر کون جانچے، کون تولے گا نگاہوں میں
اگر کانٹے رہیں گُلشن میں پھولوں سے جدا ہو کر

مرے دل نے حسینوں سے مزے لوٹے محبت کے
کبھی اِس پر فدا ہو کر، کبھی اُس پر فدا ہو کر

جہاں سے وہ ہمیں ہلکی سی اک آواز دیتے ہیں
وہاں ہم جا پہنچتے ہیں محبت میں ہوا ہو کر

سنبھالیں اپنے دل کو ہم کہ روئیں اپنی قسمت کو
چلے ہیں اے نصیرِ زار، وہ ہم سے خفا ہو کر

Wafa Ho Kar Jafa Ho Kar Haya Ho Kar Ada Ho Kar lyrics in Roman urdu

Wafa Ho Kar Jafa Ho Kar Haaya Ho Ho Kar Adaa Ho Kar
Samaye Wo Mere Dil Main Nahi Maloom Kya Ho Kar

Mera Kahna Yahi Hai Tu Na Rukhsat Ho Khafa Ho Kar
Ab Agay Teri Marzi Jo Bhi Tera Mud'da Ho Kar

Na Wo Mehfil Na Wo Saqi Na Wo Sager Na Wo Bada
Hamari Zindagi Ab Reh Gai Hai Bay Maza Ho Kar

MA'AAZ-ALLAH Ye Alam But'ton Ki Khud Numai Ka
K Jaise Chaa Hi Jayaingay Khudai Par Khuda Ho Kar

Bahr Sorat Wo Dil Walon Say Dil Ko Cheen Lete Hai,
Machal Kar, Muskura Kar, Roth Kar, Tun Kar Khafa Ho Kar

Na Choro Sath Mera Hijar Ki Shab Dobty  Taaro
Na Phairo Mujh Sy Yun Ankhain Mere Ghum Ashna Ho Kar

Inhain Phr Kon Janchay Kon Tolay Ga Nigahon Main
Agar Kantay Rahain Gulshan Main Pholon Say Juda Ho Kar

Mere Dil Nay Haseeno Main Maze Lotay Muhabt K
Kabhi Is Par Fida Ho Kar Kabhi Us Par Fida ho kar